中秋节快乐

2012年9月30日 晴 前几日，考试成绩出炉啦，我终于都pass左啦，终于都成功过关，终于毕业，正正式式读完Diploma...适当嘅休息会让你可以走更远嘅路~~我都放假左成个月，上两星期就算有上课，但都记唔到任何野，心里面依然好惊，好惊自己过唔到。。但好彩已经顺利过关啦~~明天就正式上Advanced Diploma啦~~好开心啊，多谢菩萨保佑我，成功闯关！！！ 我答应自己，一定要努力，顺利过关，一定要完成Advanced嘅课程，同家姐一样到英国读Degree，拿到一个学士学位，就算将来嘅路同我宜家读嘅酒店系完全冇关~~ 希望真系两年里面完成~~ 今日系中秋节啊，虽然我返左金宝。不过至少有同家人度过，总算人月团圆~~今晚嘅月亮圆唔圆啊？？窗外又睇唔到月亮，只系睇到嘅天好光，我谂个月亮一定好圆遮~~~每当冇野做嘅时候，我都会翻睇傻婆嘅剧集，今晚虽然系中秋节，但我冇睇《家好月圆》反而睇左《溏心风暴》，每次睇都有唔同嘅感觉，今次特别令我觉得“得得地”真系好好人啊，默默守护常在心，不求任何回报，我希望我都可以找到一个好似“得得地”咁好嘅男人~~但愿明年嘅中秋节，我都可以人月两团圆，拥有一个“得得地”！！！